Ndalohet nga policia punonjësja e ZVRPP-Devoll. Ajo është e akuzuar për veprën penale “Korrupsioni pasiv i personave që ushtrojnë funksione publike”.
Policia ka arrestuar Valbona Beshi, 49 vjeçe, banuese në Bilisht. Ajo ishte me detyrë hartografe. Bashi, është ndaluar pas denoncimit të rastit në emisionin investigativ “Fiks Fare”. Ajo u kap me zë e figure duke i marre ryshfet qytetarit qe kërkonte të mbaronte punë në këto zyra.
Vetëm pak me pare, Ministrja e Drejtësisë, Gjonaj, tha se është larguar nga detyra specialistja në sektorin e Hartografisë në Hipotekën e Devollit. Ajo u denoncua nga një qytetar në media se kishte marrë para në mënyrë të paligjshme për një shërbim publik.
Njoftimi i policisë
Pas denoncimit të rastit në emisionin investigativ “Fiks Fare”, ndalohet punonjësja e ZVRPP-Devoll, për veprën penale “Korrupsioni pasiv i personave që ushtrojnë funksione publike”.
Specialistët e Seksionit për krimin ekonomik-financiar, në Drejtorinë Vendore të Policisë Korçë, bënë ndalimin e shtetases:
Valbona Beshi, 49 vjeçe, banuese në Bilisht (me detyrë hartografe)
Kjo shtetase duke qenë me detyrë hartografe në ZVRPP-Devoll, i ka marrë një qytetari sasinë prej 20000 lekë, për një shërbim pranë kësaj zyre, duke konsumuar elementë të veprës penale të sipërpërmendur.
Falenderojmë mediat për bashkëpunimin dhe garantojmë se Policia është e gatshme për të ndjekur dhe vendosur përpara përgjegjsisë, çdo shkelës ligji.
