Florim Shehu nga Kosova, i cili ka tre vjet që jeton në Francë, ka marrë leje qëndrimin në shtetin francez, pasi në muajin qershor kishte arritur të shpëtojë gjashtë persona, të cilët kishin mbetur të ngujuar nga përmbytjet si pasojë e një stuhie shiu që kishte kapluar qytetin Change, shkruan .ouest-france.fr.
Lajmin e japin mediat franceze, të cilat e e cilësojnë atë si një hero që sakrifikoi vete, la makinën e tij t’ia merrte rrjedha e ujit dhe shpëtoi njerëzit që ishin në rrezik për jetën.
Shqiptari 33-vjeçar, baba i dy fëmijëve mori leje qëndrimi në një ceremoni solemne të organizuar nga komuna e Change.
Të shtunën, më 8 shtator, Florim Shehu mori një letër nga prefektura duke i thënë atij se i ishte dhënë një leje qëndrimi, e vlefshme për një vit.
Komuna i dha të shtunën edhe mundësinë të blinte makinën që kishte humbur në përmbytje. Blerja e saj u mundësia nga paratë që mblodhën gjithë banoret në shenjë mirënjohje.
“Unë jam një njeri i lumtur”, tha Florim Shehu për mediat franceze. “Unë dhe familja ime jami të integruar mirë në Changé. Madje tani kam edhe shumë mundësi për punë”.
Ai ishte pa pune dhe pa dokumente. Florimi kishte aplikuar për azil në dhjetor të vitit 2017 nga prefektura e Majuestit./TIRANA TODAY/
