Një 20-vjeçar shqiptar është dënuar me 7 vjet burg në Itali, pasi akuzohet për rrëmbimin dhe përdhunimin e një infermiereje. Ai është Enriges Kavalli, dhe mediat italiane raportojnë se në shkallën e parë ai u dënua me 6 vjet. Në prag të dëgjimit të gjykimit, para gjykatës pati protesta.
Akuza kishte kërkuar 16 vjet, ndërkohe që në fund u vendos për 7 vjet. Ai akuzohet për dhunë seksuale, plaçkitje, rrëmbime, plagosje dhe mbajtje armesh.
Ai ishte në një qendër rezidenciale për paciente me probleme psikike, kur nen kërcënimin e një thike mori peng dy infermiere.
Ngjarja e rënde ndodhi një vit me pare në Avexano të Italisë, ku shqiptari, Enriges Kavalli, sot 20 vjeçar rrëmbeu dy infermiere dhe njërën prej tyre e përdhunoi në makine.
Ai ka pasur precedentë të mëparshëm penale. Një nga infermierët, ajo që është përdhunuar ka treguar për policinë se u detyrua të ikte me shqiptarin, pasi ai e kërcënoi me një thikë, se bashku me një kolegen tjetër, po infermiere.
Ajo tregoi se është dhunuar fizikisht, është lidhur nga i riu shqiptar dhe më pas është përdhunuar, jashtë qendrës, në një zonë periferike, ku nuk kishte njerëz.
Përdhunimi ndodhi brenda në mjet. Në një moment, infermierja ka mundur të arratiset dhe të kërkojë ndihmë.
Ajo njoftoi disa banorë aty pranë e ishin ata që telefonuan policinë. Shqiptari u end në pyll për të humbur gjurmët por me pas u kap. TIRANA TODAY
