Një 32-vjeçar shqiptar është dënuar nga një gjykatë angleze me 6 vite burg, pasi ka pranuar akuzat për përfshirjen në shitjen e kokaine.
Oltjon Gjura me banim në Windmill Hill, London u arrestua në gusht të vitit 2019, pasi bashkë me 2 persona të tjerë tentuan të shisnin një sasi kokaine me vlerë 1 milion sterlina.
Po ashtu janë dënuar edhe bashkëpunëtorët e tij anglez, Jimmy Tang, 50 vjeç bashkë me Ramond Cooper. Më 24 Gusht 2019 Tang takohet me Cooper, i cili ishte shoferi një fugoni, ndërsa më pas ka mbërritur edhe Oltjon Gjura. Tang i dha Gjurës një çantë jeshile, ndërsa Gjura një çantë blu.
Por shkëmbi drogës dhe parave është ndjekur hap pas hapi nga grupi survejimit të NCA dhe të tre personat u arrestuan menjëherë.
Mediat britanike raportojnë se në çantën e Gjurës u gjetën 33.000 sterlina bashkë me 1 kg kokaine. Gjithashtu iu gjet edhe një telefon i veçantë i enkriptuar që shërbente për të komunikuar me pjesën tjetër të grupit kriminal.
Gjatë kontrollit në shtëpinë e shqiptarit policia gjeti edhe 7 kg kokainë brenda një sobe. Ndërsa në ventilatorin e sobës policia gjeti 22.000 sterlina cash të fshehura.
