Polumbarët kanë nxjerrë trupin e pajetë të shoferit që ra me makinë në lumin Drin, në zonën e njohur si Ura e Bahçallëkut në Shkodër.
Mësohet se viktima është një 37-vjeçar, i cili humbi kontrollin e mjetit tip Frod Focus, duke rënë në ujërat e lumit Drin.
Fillimisht u dyshua se në automjet ndodheshin dy persona, por pas verifikimeve rezultoi se në automjet ka qenë vetëm shoferi, i identifikuar si Sokol Kulla, 37 vjeç me banim në Greqi.
Aktualisht po punohet për nxjerrjen e makinës nga lumi, ndërsa dyshohet se shkak i aksidentit tragjik është bërë terreni i vështirë nga reshjet e shiut që kanë rënë gjatë mbrëmjes së djeshme.
