Një ngjarje e rëndë ka ndodhur në burgun e Bradasheshit në Elbasan, ku një i ri është vetëvarur. 23-vjeçari Bledar Doda u gjet i pajetë nga gardianët e burgut.
Ai është transportuar menjëherë në spital, por gjithçka ka qenë e kotë, pasi ai kishte ndërruar jetë.
Sipas të dhënave të para, i riu nga Burreli ndodhej në paraburgim prej 3 muajsh, pasi ishte arrestuar për përndjekje. Së fundmi, ai kishte shfaqur prej kohësh shenja të depresionit.
Trupi i të riut pritet t’i nënshtrohet ekspertizës mjekoligjore në Tiranë për të hedhur më shumë dritë mbi ngjarjen.
