Dalin në dritë detaje të tjera në lidhje me arrestimin e shtetasit nga Berati në pikën Kufitare të Kakavijës.
59-vjeçari i arrestuar është identifikuar si Bledar Rustaj, i cili punonte si shofer me një fugon pasagjerësh. Bëhet me dije se sasia e heroinës që ai posedonte ishte marrë në Berat dhe kishte si destinacion Greqinë.
Policia e Gjirokastrës gjeti 555 gram heroinë në çantën e tij të supit, e ndarë në dy pako të mbështjella me natriban.
Duke përfituar nga fluksi i këtyre ditëve në pikën Kufitare të Kakavijës, 59-vjeçari ka tentuar ta trafikojë drogën drejt Greqisë.
