Maqedonia e Veriut shkon në zgjedhje të parakohshme parlamentare, pasi Këshilli Evropian nuk pranoi që të japë datë për hapjen e negociatave. 100 ditë para zgjedhjeve do të formohet qeveria teknike apo siç njihet ndryshe “Qeveria e Përzhinos”.
“Gazeta express” raporton se kryeministër teknik do të jetë ministri aktual i punëve të brendshme, Oliver Sopasovski.
Ky i fundit është propozuar për kryeministër të qeverisë teknike nga kryeministri aktual, Zoran Zaev. Një gjë e tillë ende nuk është konfirmuar nga organet partiake e as nga partnerët e koalicionit qeverisës. Vendimi unanim për të shkuar në zgjedhje të parakohshme u mor sot në takimin e liderëve, të thirrur nga presidenti i Maqedonisë së Veriut, Stevo Pendarovski. /Express
