Një ngjarje e rëndë është regjistruar mbrëmjen e sotme në Korçë, ku një person është vrarë me thikë.
Sipas policisë, ngjarja është shënuar rreth orës 20:30 në lagjen nr.7. Viktima mësohet të jetë shtetasi Petrika Treska, 67 vjeç. Ai ka ndërruar jetë pasi ka mbërritur në spitalin e Korçës.
Ndërkohë policia po punon ende për zbardhjen e plotë të ngjarjes dhe identifikimin e autorit.
Korçë/Informacion paraprak
Më datë 23.04.2020, rreth orës 20:30, në lagjen nr. 7, në rrethana ende të paqarta është goditur me mjet prerës shtetasi P. T., rreth 67 vjeç, banues në Korçë, i cili pas mbërritjes në Spitalin e Korçës, ka ndërruar jetë.
Në vendngjarje ndodhet grupi hetimor i cili po punon për zbardhjen e rrethanave të ngjarjes, identifikimin dhe kapjen e autorit.
