Një 29-vjeçar ka humbur jetën këtë të diel në Lezhë, si pasojë e një aksidenti të rëndë.
Sipas “Balkanweb”, viktima identifikohet si Fatmir Pervataj, i cili në momentin e aksidentit ka qenë duke ecur në këmbë, kur është përplasur për vdekje nga një makinë, që drejtohej nga 19-vjeçari me iniciale E. M.
Viktima mësohet se ka humbur jetën rrugës për në Spitalin e Lezhës.
“Në rrugën Lezhë – Shëngjin, shtetasi E.M. 19 vjeç, banues në Lezhë, ka aksidentuar shtetasin këmbësor F.P. 29 vjeç, banues në Tropojë, i cili për pasojë ka humbur jetën.
Drejtuesi i mjetit është shoqëruar në ambientet e policisë për veprime të mëtejshme hetimore procedurale.
Grupi hetimor në vendngjarje vazhdon hetimet për zbardhjen e plotë të rrethanave të aksidentit”, thuhet në njoftimin paraprak.
