Një bandë e përbërë nga 3 shqiptarë dhe një italiane do të gjykohet me gjykim të shkurtuar, për rrahjen e pronari vile, kur kishin hyrë për ta plaçkitur. Por jo vetëm kaq, ata akuzohen për një seri vjedhjesh në disa banesa.
Ata dhunuan Osvaldo De Joannes me profesion agjenti sigurimi më 14 tetor 2016. Grupi, përveç grabitjes akuzohet për krime të shumëfishta.
Ata të katër janë: Robert Kola, 33 vjeç me banim në Cuorgne, Fatos Kola, 27-vjeç me banim në San Giorgio Canavese, të cilët janë të mbrojtur nga Celere Spaziante. Arvit Sada, 35 vjeç i mbrojtur nga Giuseppe Capobianco, dhe më në fund , ajo është konsideruar si vajza e vetme brenda të grupit, Lomuscio Giuliana, 26-vjeç e cila mbrohet nga Luca Violo. Viktima përfaqësohet nga avokati Enrico Scolari.
Ishte Lomuscio i cili dha informacion mbi De Joannes dhe lëvizjet e tij. Të tre shqiptarët kishin hyrë në vilën e agjentit. Ata ishin fshehur në pemët në oborrin e shtëpisë dhe e kishin zënë në befasi duke e kërcënuar dhe vendosur një kaçavidë në qafë.
Pastaj e kishin goditur dhe e kishin detyruar që ai tu jepte mijëra euro. Banda e shqiptarëve është akuzuar gjithashtu për vjedhje në disa shtëpi në Castellamonte ndodhur një muaj më vonë, më 17 nëntor dhe 25 nëntor në Favria ku plaçkitën një shtëpi, si dhe vjedhin edhe armë. Armët më pas Fatos Kola ishte përpjekur t’i shiste në Cuorgnës tek një blerës.
Për të njëjtën vepër penale gjithashtu akuzohet për një seri vjedhjesh të ndodhura në Foglizzo më 22 dhjetor të të njëjtit vit. Së fundi, ata gjithashtu akuzohen për posedimin e sendeve të vjedhura. Për këto krime, në janar të këtij viti, katër u arrestuan, të tjerë u lanë nën arrest shtëpie. Tashmë vendim përfundimtar për bandën do të jepet me 19 korrik.
Burimi: lasentinella.gelocal.it
Përshtati: Tirana Today
