Dy persona janë arrestuar nga Policia e Durrësit, të cilëve iu sekuestrua një sasi prej 2 kilogramë kokainë. Të arrestuarit janë Taulant Lala 29 vjeç dhe Adnand Bufi 22 vjeç.
Ata u kapën mbrëmjen e djeshme në lagjen Nr.14 në Shkozet. Dy të rinjtë udhëtonin me një makinë tip BMW dhe nuk i ndaluan postbllokut të policisë tek Ura e Dajlanit. Pasi u kapën, në automjet iu gjet lënda narkotike e fshehur në një vend të modifikuar te kapaku i airbag.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Prodhimi dhe shitja e lëndëve narkotike” në bashkëpunim dhe “Mosbindja ndaj urdhrit të punonjësit të policisë së rendit publik”.
