Policia ka dhënë detaje të tjera lidhur me konfliktin e mbrëmjes së sotme në Elbasan.
Bëhet me dije se ngjarja ka ndodhur në lokalin në pronësi të shtetasit S.Z., 65 vjeç. Sipas policisë, shtetasi në fjalë dhe tre djemtë e tij kanë mbetur të plagosur pas një sherri me disa persona të tjerë.
Abc News raporton se të plagosur kanë mbetur shtetasit: Spiro Ziu (babai), Renato Ziu, Gjergji Ziu dhe Elis Ziu. Ata ndodhen në spitalin e Elbasanit jashtë rrezikut për jetën.
Njoftimi i policisë:
Rreth orës 19:15, në lagjen “Visarion Xhuvani”, Elbasan, në një lokal në pronësi të shtetasit S.Z., 65 vjeç, si pasojë e një konflikti të çastit për motive të dobëta midis disa shtetasve janë dëmtuar me sende të forta dhe kanë marrë dëmtime të lehta shtetasit S.Z. R.Z., 34 vjeç, Gj.Z., 29 vjeç, dhe E.Z. 37 vjeç, ( i ati me tre djemtë), të cilët janë transportuar në Spitalin e Elbasanit, dhe ndodhen jashtë rrezikut për jetën.
Falë reagimit në kohë dhe veprimeve të shpejta hetimore e profesionale është bërë e mundur idetifikimi i autorëve dhe po punohet intensivisht për kapjen e tyre.
Grupi hetimor ndodhet në vendngjarje dhe po punohet për sqarimin dhe dokumentimin e plotë të rrethanave të ngjarjes.
