Goditet organizata kriminale italo-shqiptare pas një hetimi prej 1 vit e gjysmë.
Në kuadër të operacionit “ZZ” të skuadrës Treviso, janë lëshuar 6 urdhër arreste për anëtarët e organizatës, të cilët kanë grabitur 50 shtëpi.
Policia italiane ka sekuestruar disa kilogramë kokainë, ndërsa në operacion morën pjesë 150 hetues policor të Treviso dhe ekipeve të Brescia, Bari, Brindisi dhe Venecia.
Tashmë në pranga kanë rënë tre persona, mes tyre edhe ish-futbollisti i Serie B, 47-vjeçari Giorgio Camporese, nga Vittorio Veneto.
Po ashtu, janë arrestuar shqiptarët Ermir Kola, 31 vjeç dhe Claudjan Koka 28 vjeç, ndërsa janë shpallur në kërkim Selim Osmani, 50 vjeç dhe vëllezërit e tij Florian dhe Shkëlzen Osmani 26 dhe 36 vjeç.
Secili prej tyre kishte rolin e tij në bandën e trafikut, e më pas në shpërndarjen në Treviso, ndërsa koka e grupit është Selim Osmani, i cili kishte marrë me qira hapësira magazinash dhe i kishte kthyer në magazina droge.
Ish-futbollisti i Camporese do të përfshihej edhe në shpërndarjen me shumicë duke shfrytëzuar njohjet e tij te shumta.
Gjatë operacionit u arrestuan ne gjithashtu Steven Trentin, që iu gjet një sasi e vogël kokaine dhe Artan Ginaj.
