Interi ka qenë një nga skuadrat më aktive në merkato, duke afruar dhe larguar një numër të konsiderueshëm lojtarësh. Me merkaton që mbyllet në fillim të shtatorit, tek Interi vazhdojnë ende lëvizjet. Borha Valero, mesfushori, i cili ishte projektuar për t’u larguar duket se do të qëndrojë, nga sa raportohet. Nga ana tjetër Zhoao Mario nuk do të qëndrojë në Milano.
Monako, Lajpcig, Leverkuzen dhe Sportingu i Lisbonës, janë duke kërkuar portugezin, që Konte nuk e ka në plane pas ardhjes së Sensit dhe Barelës. “Tuttosport”, raporton se Marota po përqendrohet edhe te pista Milinkovic-Saviç, i cili varet shumë nga shitja e Ikardit.
Por largimi i Perisiçit, do të fusë në arkat e zikaltërve disa të ardhura, të cilat nëse nuk shitet Ikardi do të përdoren për një zgjedhje alternative që janë Rakitiç apo Vidal. Në Itali kanë shumë besim se përveç një sulmuesi, Interi do të bëjë edhe një goditje në mesfushë. Gjithsesi priten me interes lëvizjet që drejtuesit po projektojnë.
