Shqipëria dhe Spanja luajnë sot për herë të tetë në historinë e dy kombëtareve, ndonëse kjo është e para përballje miqësore mes tyre.
Kompanitë e huaja të basteve i lënë të pashpresë kuqezinjtë e trajnerit Edi Reja.
Fitorja e Spanjës kuotohet me 1.15, ndërsa barazimi ka koeficientin 7.5. Fitorja e Shqipërisë në këtë miqësore që luhet në Barcelonë e ka koeficientin 17, por kjo nuk do të thotë se surprizat mund të mungojnë.
Trajneri i kombëtares Edi Reja tha dje në një konferencë për shtyp:
“Futbollin spanjoll e njoh dhe e vlerësoj shumë. Dua që kundër Spanjës të mos përsërisim atë që bëmë me Anglinë. E di që e zotërojnë shumë mirë topin, por në fund kjo nuk më intereson. Në fund dua rezultatin”, u shpreh Reja.
