Modelja shqiptare Emina Cunmulaj ka treguar edhe njëherë shpirtin fisnik që e karakterizon. Së fundmi, ajo ka bërë një gjest human që duhet duartrokitet nga secili prej nesh.
Emina ka vendosur të presë flokët të shkurtra, vendim ky i marrë pasi para disa vitesh, ajo ka humbur të ëmën nga sëmundja e kancerit.
Sot ajo vendosi që t’i presë flokët e t’i dhurojë për dikë që ka më shumë nevojë për to, duke i kthyer tashmë buzëqeshjen dikujt që po përballet me këtë sëmundje të rëndë.
Të gjithë shpjegimin, modelja, nënë e dy vajzave, e ka bërë një postim në Instagram, ku shprehet:
“Unë mendoj ndryshe. Nuk mendoj se jeta duhet të jetë se si të sheh bota, apo ku mendon bota se ti përket. Mendoj se jeta duhet të jetë ashtu sic ti e sheh veten tënde. Nëse ajo është me flokë të shkurtër, lërë të jetë me flokë të shkurtër. Nëse është me flokë të gjatë, lerë të jetë me flokë të gjatë. Unë humba nënën time 5 vite e gjysmë më parë, për shkak të kancerit dhe rreth 6 muaj e dy javësh, po ndjeja një faj teksa kisha flokë të gjatë shumë të bukur dhe më kujtohet mami im gjatë periudhës së kimioterapisë, se sa e tmerrshme ishte për të që të mos kishte flokë. Vendosa se do i prisja flokët dhe t’i dhuroja ato. Dhe pasi linda dy vajza të bukura, flokët e mia u rritën sërish, shumë të gjata. Ndjeva nevojën se nuk është e nevojshme të kesh gjithçka në këtë botë, sepse kam gjithçka, kam shëndet, kam gjithçka që vjen pas tij, por ndonjëherë të kesh gjithçka nuk të bën të ndihesh e plotësuar. Të prisja flokët dhe të dija se ato do rriteshin te një person që ka nevojë më shumë se unë për to, dhe që do e bëj dikë të buzëqeshë, kjo më bën të lumtur. Prandaj i preva flokët”, tregon Emina me sytë që i shkëlqejnë pas këtij vendimi.
