Këshilli i Ministrave ka miratuar vendimin për emërimin e Piro Mishës si drejtor i ri i Bibliotekës Kombëtare. Ky vendim ka hyrë në fuqi menjëherë dhe është botuar në “Fletoren zyrtare”. Kujtojmë që prej 5 vitesh, në krye të Bibliotekës Kombëtare ka qenë Persida Asllani.
Vendimi: Në mbështetje të nenit 100 të Kushtetutës dhe të nenit 27, të ligjit nr. 8576, datë 3.2.2000, “Për bibliotekat në Republikën e Shqipërisë”, të ndryshuar, me propozimin e ministrit të Kulturës, Këshilli i Ministrave vendosi: Piro Misha emërohet drejtor i Bibliotekës Kombëtare. Ky vendim hyn në fuqi menjëherë dhe botohet në “Fletoren zyrtare”.
