Përgjatë kohës kanë ndodhur një sërë incidentesh, përplasjesh apo aksidentesh të avionëve, të cilat kanë vënë në dukje sigurinë e tyre. Në botë janë disa linja ajrore të cilat kanë implementuar standardet më të larta të sigurisë. Në mënyrë që të ulin sa më shumë incidentet dhe aksidentet e aeroplanëve. Këto linja ajrore përdorin teknologjinë më të mirë për motorët, produktet më të mira të sigurisë, të cilat ndiqen në mënyrë strikte. Si edhe kanë pilotët më të mirë, të aftë për të menaxhuar situata delikate. Më poshtë, ne po ju listojmë linjat ajrore më të sigurta në botë, ku mund të udhëtoni pa u shqetësuar për sigurinë tuaj.
- Etihad Airways (Emiratet e Bashkuara Arabe). Nisi aktivitetin në vitin 2003. Deri tani nuk ka pasur viktima apo aksidente.
- Lufthansa (Gjermani). Pavarësisht volumit të madh të fluturimeve, aksidenti i fundit në këtë linjë ka ndodhur në vitin 1993, me pasojë vdekjen e 2 pasagjerëve.
- Cathay Pacific (Hong Kong). Shquhet për siguri. Aksidenti i fundit, ka ndodhur në vitin 1972.
- Air Canada (Kanada). Aksidenti i fundit fatal, ka ndodhur në vitin 1983.
- Emiratet (Emiratet e Bashkuara Arabe). Ka një flotë prej 200 avionësh. Shquhet për luksin dhe rehatinë që u ofron pasagjerëve. Asnjë aksident.
- EVA Air (Tajvan). Në historinë e saj 26-vjeçare, nuk ka pasur asnjë aksident me pasojë vdekjen.
- British Airways (Mbretëria e Bashkuar). Aksidenti i fundit, ka ndodhur në vitin 1976.
- Air New Zelanda (Zelanda e Re). Aksidenti i fundit, ka ndodhur në vitin 1979.
- Finnair – Finlandë. Në 96 vite ekzistencë, kjo linjë ka regjistruar vetëm dy aksidente, më 1961 dhe 1963.
- Qantas Airways Limited (Australi). E themeluar në vitin 1920. Aksidenti i fundit vdekjeprurës, ndodhi në vitin 1951./ TIRANA TODAY
Shfaq Komentet (0)
Denonco ne TT