Komisioni i Venecias ka caktuar datat 18 dhe 19 qershor për sesionin plenar, pas ndërprerjs për shkak të koronavirusit.
Në këtë sesion pritet të shqyrtohet çështja për emërimet në Gjykatën Kushtetuese dhe paketën antishpifje e më pas të dorëzohet opinioni.
Paketa “Anti-Shpifje” e propozuar nga qeveria ka krijuar shumë debat në vend, teksa shumë e cilësojnë si cenim të fjalës së lirë dhe kontroll të qeverisë ndaj mediave.
Asambleja Parlamentare e Këshillit të Evropës ka kërkuar mendimin e ekspertëve. Këshilli i Evropës iu kishte dërguar autoriteteve shqiptare disa amendime për këtë paketë, por nuk u morën parasysh nga mazhoranca gjatë diskutimit në Parlament.
Për këtë arsye Asambleja Parlamentare e Këshillit të Evropës i është drejtuar Komisionit të Venecias.
