Edhe pse ajo është shpallur në krim nga policia, këngëtarja Elvana Gjata vijon t’i dedikohet karrierës. Ajo dyshohet se ka qenë “mollë sherri”, e ngjarjes në ish-Bllok, ku për pasojë mbeti një i vrarë dhe dy të plagosur.
Ndërkohë, për herë të parë ajo ka bërë një reagim, duke treguar se karriera e saj vazhdon normalisht e duke mos deklaruar asgjë mbi ngjarjen. Kështu Elvana ka lancuar këngën e saj më të re, një bashkëpunim me Poo Bear, me titull Shade.
Asaj i është lënë një afat kohor prej 30 ditësh për t’u paraqitur në polici dhe për të bërë deklarimet e saj për ngjarjen. Prokuroria ka urdhëruar shoqërimin e detyrueshëm të këngëtares, pasi dyshohet se Gjata është shkak për sherrin e ndodhur në ish-Bllok. Veç këngëtares, në kërkim janë i dashuri i Elvanës, Ervin Mata, komandoja Mevjol Bilo si dhe Fabio Alushi.
https://tiranatoday.com/elvana-gjata-shkon-tek-vjehrra-dhe-kunata-zbulohet-shteti-ku-po-qendrojne/
Këngëtarja Gjata, pas ngjarjes së rëndë, udhëtoi përmes aeroportit të Rinasit në një tjetër shtet, konkretisht në Mbretërinë e Bashkuar. Ajo është një nga dëshmitaret kyçe të sherrit, ndërsa pritet të dëshmojë për policinë, për zbardhjen e ngjarjes./TIRANA TODAY/
