Opinioni publik është i përfshirë në debate rreth pranisë së komunitetit të LGBTI-së në shkollat e mesme të kryeqytetit. Në emisionin “Zone e Lirë” të Arian Çanit është diskutuar për këtë tematikë, ku të pranishëm ishin përfaqësues të vetë komunitetit LGBTI-së. Por, ajo që tërhoqi më shumë vëmendjen ishte deklarata e një biznesmenit Elton Ilirjani i cili tha sonte së nuk është moderne të jesh gay. Elton marrë vëmendjen e medias për orientimin seksual, por ai është një biznesmen i suksesshëm që drejton një kompani ndërkombëtare.
Ilirjani kundërshtoi me forcë praninë komunitetit të LGBTI-së në shkollat e mesme. Ai tha se nuk duhet ngatërruar ‘Bulizmi’ me LGBTI-në, duke theksuar se ky komunitet nuk mund të shkojë në shkolla dhe të flasë për çështjen e Bulizmit kur ky fenomen është shumë më i madh se LGBTI. Eltoni tha se njeh raste që të rinjtë janë bërë gay vetëm që të duken modern.
“Duhet parë qartë çështja e Buluzmit dhe nga ajo e LGBTI. Nuk duhet politizuar çështja. Gabimi ka ndodhur që ky projekt i Bulizmit, nuk i duhej dhënë LGBTI, ka raste që unë në Shqipëri i njoh se janë ndikuar nga të tjerët që është moderne të jesh gay dhe kam raste që janë kthyer vetëm për tu dukur modern. Nuk është moderne të jesh gay. Të rinjtë duhen të drejtohen vetë. Të kalojnë 18 vjeç dhe më pas të vendosin. Nuk mund të themi se të rinjtë shqiptarë shkojnë dhe duhet të bëjnë seks herët. Të rinjtë duhet ta rrisin moshën e të bërit seks. Ata që janë më prirje LGBTI, që të mos përdoren politikisht dhe për çështje të ndryshme përfitimesh,” deklaroi Iliriani.
Ai gjithashtu tha sonte se ka provuar që të jetë heteroseksual, por nuk ka rezultuar iniciativë e suksesshme. Eltoni tha se nuk duhet të bëjmë zhurmë për një Shqipëri të tërë. Ai theksoi se LGBTI duhet të tregojë që orientimi ndryshe seksual nuk është një sëmundje.
“Unë e kam provuar që të jem heteroseksual. E kam provuar dy herë, por nuk ka funksionuar. Unë kam pasur një të dashur për tre muaj. Vija nga provinca dhe mendoja se të jesh gay është gabim. Unë nuk isha emocionalisht i përfshirë me të dashurën time dhe u ktheva nga meshkujt.
Në duhet të jemi më të qetë dhe nuk duhet të bëjmë zhurmë për një Shqipëri të tërë. Ne duhet të tregojmë që kjo nuk është një sëmundje”, tha Iliriani.
