E ardhmja e pankinës së Chelsea duket se është akoma në udhëkryq mes Sarrit dhe Contes. Por duket presidenti Abramovich do të vendosë që të sjellë një emër të ri në pankinë, duke pasur parasysh edhe dështimin në e mospjesëmarrjes në Champions League. Sipas Gazzetta dello Sport, Abramovich duket se mund të gjejë akordin me De Laurentis.
Mes dy klubeve mund të nisin bisedimet për klauzolën e prishjes së kontratës, e cila ishte e vlefshme deri në 31 maj. Sarri pritet të firmosë për dy sezone, me opcionin për një të tretë, me një përfitim prej 5 milionë eurosh në sezon. Në marrëveshje përfshihen edhe Albiol dhe Hysaj. Zëvendëstrajner do të jetë Zola.
Sarri nuk pret asgjë tjetër, vetëm një telefonatë: një trajner si Sarri nuk mund të rrijë pushim sezonin e ardhshëm. Dhe nga dita në ditë, duket se terreni po bëhet më i favorshëm për të udhëtuar drejt Londrës. Ajo që duket më e qartë në këtë moment është se Conte mund të mbetet pa pankinë.
