Senatorja e Massachusetts, Elizabeth Warren është tërhequr nga fushata presidenciale në garën brenda demokratëve.
Ky vendim erdhi pas publikimit të rezultateve të zgjedhjeve paraprake, që u zhvilluan të martën ku votuan 14 shtete.
Warren pati një rezultat mjaft zhgënjyes, duke humbur edhe në shtetin e saj, Massachusetts. Senatorja bëri fushatë me moton e “ndryshimit të madh strukturor”, për të luftuar korrupsionin dhe rolin e parasë në politikë.
Deri në nëntor të vitit të kaluar, senatorja 70-vjeçare kryesonte në sondazhet kombëtare. Por ajo çfarë e vuri në pikëpyetje pozitën e saj ishte plani për reformën shëndetësore, i cili do t’i kushtonte asaj 20.5 trilionë dollarë.
