Gjykata e Tiranës ka caktuar masën e sigurisë ‘arrest me burg’ për Viktor Markun, i dyshuar për ekzekutimin e Hekuran Billës në 11 qershor, në zonën e Komunës së Parisit.
Marku refuzoi pjesëmarrjen në krim, ndërsa ka deklaruar se ditën e vrasjes ai ka qenë në Mal të Zi.
Sipas avokatit, nga sistemi TIMS rezulton se Marku ndodhej në Mal të Zi, që prej muajit janar.
Viktor Marku është arrestuar në Mal të Zi, falë bashkëpunimit mes Policisë së Shtetit dhe policisë malazeze. Pasi policia ndoqi lëvizjet e Viktor Markut, më pas njoftoi homologët malazezë të cilët kanë kryer arrestimin.
