Një viktimë dhe tre të plagosur pas vendimit të gjykatës për një urdhër mbrojtjeje. Krim i rëndë ndodhin sot në mesditën e së enjtes në Elbasan, pranë gjykatës së këtij qyteti! Autori mësohet se është ish-polici Koço Buzo, i cili ka qëlluar për vdekje gruan e tij, ndërkohë që nga të shtënat janë plagosur edhe tri persona të tjerë, njuëri prej të cilëve punonjës police.
Ish polici Buzo, 58 vjeç, ish-efektiv policie qëlloi me mbi 11 plumba ish-bashkëshorten e tij, Liljana Buzo, 54 vjeçe e cila për fat të keq nuk mundi që t’ju shpëtojë plagëve të marra. Ajo u dërgua me urgjencë në spital, ku ndërroi jetë. Nga të qëlluarit me breshëri prej Buzos u plagos një kalimtar, avokati i bashkëshortes së tij, Gëzim Toçila, dhe efektivi i policisë që po kalonte aty pranë.
Shkaku
58-vjeçari Buzo është prangosur në flagrancë nga efektivët dhe është nisur menjëherë për në Komisariat, ku edhe pritet që të tregojë shkakun që e shtyu t’i merrte jetën bashkëshortes. Nga hetimet e para mësohet se burrë e grua sapo kishin dalë nga ambientet e gjykatës së Elbasanit ku ndodheshin për një seancë gjyqësore, ku Koço Buzo akuzohej për dhunë në familje. Mësohet se ngjarja ka ndodhur për shkak të xhelozisë që ish-burri kishte për të shoqen.
