https://www.facebook.com/tiranatodaycom/videos/339070209871056/
Sistemi i shëndetësisë është një nga më problematikët në vend dhe kjo shfaqet herë pas here edhe në denoncimet që bëjnë qytetarët.
I tillë është edhe rasti i denoncuar ditën e sotme nga një qytetar, ku në spitalin e Elbasanit mjekët kanë lënë të sëmurin të dergjet në korridor. Siç duket edhe përmes pamjeve, i sëmuri qëndron i shtrirë dhe i palëvizur ndërsa nga ana tjetër mjekët bëjnë ecejaket e tyre të punës, kur njëri prej tyre shoqëron një pacient.
Po ashtu edhe vetë qytetarët të pranishëm në korridorin e spitalit as që marrin mundimin për të reaguar ndaj mjekëve për t’i krijuar të dergjurit një shtrat ku mund të marrë më pas edhe shërbimin mjekësor.
Këtë rast e ka denoncuar edhe ish-kryeministri Sali Berisha përmes postimit të videos në profilin e tij zyrtar në Facebook, ku akuzon direkt kryeministrin Rama për gjendjen e sistemit të shëndetësisë: “Një mirëdita në vend të mirëmëngjesit për Noriegën nga spitali i Elbasanit, ndiqeni videon!! Sb”, shkruan Berisha teksa publikon pamjet.
