Mbrëmjen e sotme, në një kosh mbeturinash në Elbasan, është gjetur një armë zjarri tip ka kallashnikov. Arma dyshohet të jetë hedhur në orët e mbrëmjes së sotme nga persona ende të paidentifikuar.
Policia është njoftuar nga qytetarët për armën e zjarrit, por ende nuk ka dhënë detaje për rrethanat në të cilat arma e zjarrit tip kallashnikov ka përfunduar pranë një koshi mbeturinash.
Paraprakisht thuhet se arma është gjetur në një nga rrugët kryesore pranë njërës prej shkollave të lagjes “11-Nëntori” nga një person që po mblidhte në koshin e mbeturinave mbetjeve të riciklushme.
