Gazetari investigativ Artan Hoxha është shprehur se dy superoperacionet e FNSH dhe RENEA në Elbasan, janë një goditje e fortë për botën e krimit në atë qytet. Ai ka paralajmëruar se javën tjetër do të publikojë një video të frikshme, ku shihen forcat operacionale të policisë që përplasen me armë me anëtarët e një bande kriminale në Elbasan.
“Prandaj nuk është përfshirë edhe skuadra operacionale, sepse është goditur direkt, ka pasur një betejë. Do e bëj gati javën tjetër atë material, dhe do të shikoni që zjarri i hapur mes punonjësve të operacionales dhe pjesëtarëve të një grupi kriminal në Elbasan, të duket sikur je në Sinaloa të Meksikës dhe karteli i Sinalos po lufton me gardën meksikane.
Uroj që ky të jetë fillimi, dhe jo fundi. Sepse me të vërtetë Elbasani ka nevojë për ta zbërthyer një herë e mirë, dhe për të dhënë të drejtë për kaq shumë njerëz të vrarë, dhe familje e fise që kanë ikur nga sytë këmbët nga Elbasani, për t’i shpëtuar këtyre njerëzve që mbanin nën sundim qytetin”, tha Hoxha.
