Vullkani është një dukuri e frikshme e natyrës. Kur ai shpërthen, askush nuk do të donte të ishte aty pranë, pasi vdekja mund të jetë e afërt. Por ka një vend, ku vullkanin mund të kundrosh njëlloj si një vatër zjarri normale. Madje, aty ke mundësi të shijosh mishrat dhe ushqimet e tjera të pjekura në të.
Këtë e ofron restoranti “El Diablo” në qytezën e Lanzarotes, në Ishujt Kanarie në Spanjë. Restoranti është ngritur përreth vullkaneve të Parkut Kombëtar Timanfaja.
Pronari i saj përdor një zgarë të vendosur mbi kraterin e vogël të një vullkani. Me qëllim gatimin e ushqimit nëpërmjet nxehtësisë dhe avullit që vjen prej vullkanit të fjetur.
Për shkak të metodës së pazakontë të gatimit, arkitektët që projektuan vatrën, përdorën 9 shtresa të shkëmbit vullkanik të bazaltit, i aftë të durojë temperaturat e larta që variojnë nga 250-500 gradë Celsius.
Mysafirët në restorant, mund të zgjedhin një larmi gatimesh tradicionale të zonës, teksa shijojnë pamjen panoramike të maleve. Të krijuar nga shpërthimi i më shumë se 100 vullkaneve. Për një pagesë shtesë prej 50 eurosh, mund të vizitoni nga afër “kuzhinën” e pazakontë.
Mos kini frikë nga lava e vullkanit. Shpërthimi i fundit brenda parkut, ka ndodhur më 1824, pra 195 vite më parë. Megjithatë duhet pasur kujdes, pasi asnjëherë nuk i dihet./ TIRANA TODAY
