Zbulohen detaje të tjera në lidhje me ngjarjen e ndodhur ditën e djeshme në Xhafzotaj të Durrësit, ku një burrë ekzekutoi bashkëshorten e tij.
Pasi goditi gruan e tij 3 herë me thikë, mësohet se 45-vjeçari ishte nisur për t’u strehuar në vendlindjen e tij në Dibër. Sipas BalkanWeb, Lulzim Cuku i ka hipur në një makinë dhe është nisur drejt Dibrës, për t’u strehuar atje e për t’i shpëtuar policisë.
Por siç duket ai është penduar rrugës dhe menjëherë pasi ka kaluar Shkopetin ai është kthyer dhe është dorëzuar në komisariatin e Burrelit. Mësohet se ai është shprehur i penduar për krimin që ka kryer, ndërsa përpara policisë së Matit ai ka rrëfyer se ka tentuar edhe vetëvrasjen.
