Së fundmi është zbardhur dëshmia e burrit që vrau me thikë bashkëshorten në sy të fëmijëve.
45-vjeçari e qëlloi për vdekje me thikën e bukës nënën e tre fëmijëve të tij, Manjola Cuku dhe më pas u arratis për rreth 16 orë në drejtim të paditur.
Ngjarja e rëndë ndodhi mbrëmjen e së shtunës, rreth orës 23:55, në banesën e familjes Cuku, në fshatin Xhafzotaj të Durrësit.
Ai gjatë dëshmisë është shprehur i penduar për veprimin që ka bërë.
Cuku ndër të tjera pohoi se bashkëshortja e tij e kishte kthyer shtëpinë në bordello.
DËSHMIA: “Jam penduar shumë për veprimin tim. Nuk duhet të kishte ndodhur kjo, nuk duhet të kisha qëlluar mbi Manjolën. Fëmijët e mi ngelën rrugëve tani. Jam shumë i dëshpëruar. Tentova disa herë të vetëvritesha, por nuk ia dola. Sherri i fundit ndodhi pasi prej kohësh kishim debate.
Kisha dyshime se ajo fuste njerëz të tjerë në shtëpinë tonë, ndërkohë që unë isha në Greqi. E kishte kthyer shtëpinë në shtëpi publike, fuste brenda lloj-lloj njerëzish aty.
I kërkova të mos e bënte më këtë veprim, por sapo unë ikja në Greqi, më thoshin njerëzit se ajo vazhdonte të fuste njerëz të panjohur në shtëpi. Për këtë arsye u ktheva nga Greqia. Gjatë kësaj kohe debatonim shpesh. Mbrëmë (parmbrëmë) situata doli jashtë kontrollit dhe unë e qëllova me thikë.
Nuk mendova se ka vdekur, pasi e lashë të shtrirë në tokë. Nga mediat e dëgjova që kishte ndërruar jetë. Më vjen shumë keq, sidomos për fëmijët që mbetën në mëshirë të fatit”, ka deklaruar për hetuesit e Policisë 45-vjeçari”.
