Një 49-vjeçar shqiptar është ekzekutuar mëngjesin e sotëm pranë shtëpisë së tij. Ngjarja ka ndodhur në Terni të Italisë, rreth orës 07:00 në rrugën “Galvani”.
Sipas medieve italiane, fillimisht janë dëgjuar të bërtitura dhe më pas tre të shtëna me armë.
Gruaja dhe vajza e viktimës kanë dalë menjëherë në rrugë pas të shtënave, ku kanë parë të dashurin e tyre teksa ndërroi jetë.
Shqiptari punonte si murator dhe nga hetimet e para rezulton se nuk ka precedent penal, ndërsa fqinjët e cilësojnë si një njeri punëtor dhe të ndershëm.
Nuk dihen ende motivet e ekzekutimit të shqiptarit, ndërsa autori është larguar dhe po kërkohet nga policia.
Kjo e fundit njofton se ka gjetur armen e krimit në një kosh mbeturinash, pak larg vendit të ngjarjes.
Më poshtë videoja ku flet një nga dëshmitarët:
