Një ngjarje e rëndë ka ndodhur ditën e sotme në Prishtinë, ku një person është ekzekutuar në makinë.
Dyshohet se viktima dhe autori kanë qenë në një makinë. Mësohet se autori ka qëlluar me armë zjarri viktimën, një burrë, identiteti i të cilit nuk bëhet me dije.
”Nga këqyrja e vendit të ngjarjes është konstatuar se bëhet fjalë për vrasje dhe ngritur dyshimi se i dyshuari dhe viktima kanë qenë brenda të njëjtës veturë dhe i dyshuari nga mbrapa ka shtënë me armë zjarri në viktimën, mashkull i cili për pasojë ka humbur jetën.”, informon policia e Kosovës.
Deri më tani, policia ka arritur të identifikojë të dyshuarin e mundshëm që dyshohet të jetë një shtetas i huaj, i cili ka ikur nga vendi i ngjarjes.
Në vendin e ngjarjes janë ftuar edhe specialist për hetimin e rasteve të vrasjeve si dhe njësitë e specializuara për ekzaminim të vend ngjarjes.
