Një person në Pejë është bërë objektivi i një atentati. Lajmin e kanë përcjellë mediat në Kosovë, teksa kanë dhënë detajet e para. Një person është vrarë nga të shtënat me armë zjarri në rrugën “Gjon Gazulli” në Pejë.
Zëdhënësi i Policisë së Kosovës për rajonin e Pejës, Fadil Gashi, ka njoftuar se ngjarja e rëndë ka pak që ka ndodhur.
“Konfirmohet se rreth orës 15:36 minuta policia është njoftuar se në rrugën “Gjon Gazulli” në Pejë ka të shtëna me armë zjarri, ku pasi i janë përgjigjur rastit kanë hasur në një person i cili ka qenë i lënduar nga arma e zjarrit. Ambulanca ka dalur në vendin e ngjarjes dhe mjeku kujdestar ka konstatuar vdekjen e viktimës”, tha Gashi.
