Një person është ekzekutuar mëngjesin e sotëm, në afërsi të një banke në Laç. Ish-polici Xhelal Reçi, 61 vjeç, është ekzekutuar më armë zjarri në orën 07:23 në afërsi të një banke në qytetin e Laçit.
Shërbimet e policisë kanë rrethuar zonën, si dhe janë ngritur pika kontrolli, me qëllim kapjen e autorve. Ka dyshime se autorët e kanë ruajtur dhe vëzhguar prej ditësh 61-vjeçarin, para se ta vrisnin.
Në ndihmë të policisë lokale janë nisur grupe të FNSH-së, dhe një grup i posaçëm hetimor për të bërë të mundur zbardhjen e plotë të rrethanave të ngjarjes.
Njoftimi i policisë
Rreth orës 07:23, në afersi të një banke, në qytet Laç, Kurbin. në rrethana ende të paqarta është vrarë me armë zjarri shtetasi Xh.R.
Shërbimet e policisë kanë rrethuar zonën, si dhe janë ngritur pika kontrolli, me qëllim kapjen e autorit. Në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.
