Xhelal Reçi, 61 vjeç, u qëllua për vdekje mëngjesin e sotëm në Laç. Duket se familjen Reçi e kanë ndjekur ngjarje të rënda. Djalit të tij, Besnik Reçit i është bërë atentat një vit më parë. Ai ishte bashkë me familjen në makinë, gruan dhe dy fëmijët e mitur, kur është qëlluar nga dy persona me motor. Më datë 15.08.2020, në lagjen “Xhenjo’” Lezhë, në rrugën Lezhë-Shëngjin, motori ndoqi automjetin e Besnik Reçit, duke e qëlluar tre herë, por fatmirësisht plumbat nuk kapën asnjë. Autorët e atentatit nuk janë identifikuar as sot.
Ish-polici Xhelal Reçi, 61 vjeç, u vra më armë zjarri në orën 07:23, në afërsi të një banke në qytetin e Laçit. Mendohet se autorët e kanë ruajtur dhe vëzhguar prej ditësh 61-vjeçarin, para se ta vrisnin atë.
Njoftimi i policisë lidhur me atentatin që iu bë të riut një vit më parë:
Ngjarja:
Më datë 16.08.2020 u referuan materialet në Prokurorinë pranë Gjykatës së Shkallës Parë Lezhë dhe punohet për identifikimin dhe kapjen a autorëve, sepse më datë 15.08.2020, ora 19:30, në lagjen “Xhenjo” Lezhë, në rrugën Lezhë-Shëngjin, dy persona të paidentifikuar, të cilët lëviznin me një motorçikletë dhe skafanda në kokë, kanë qëlluar më armë zjarri pistoletë 3 herë, në drejtim të automjetit tip Mercedes Benz C Class me ngjyrë gri me targa AA 811 AB, me të cilin po lëvizte shtetasi Besnik Xhelal Reçi, i datëlindjes 31.08.1985, banues në Gjorme Kurbin, së bashku me familjen e tij, bashkëshorten dhe 2 djemtë e mitur.
Në cilësinë e provës materiale u bllokua një gëzhojë me përmasa 9x19mm dhe një kapsollë detonatore e pa gropëzuar si dhe një fishek i pa gropëzuar. Nenet 76, 22, dhe 278 të K.Penal.