Mbrëmjen e së dielës u ekzekutua biznesmeni Gramoz Memaj. Ngjarja e rëndë ndodhi në Ksamil, teksa u qëllua pranë banesës së tij. Ai nuk mund t’i rezistonte plagëve të marra, dhe humbi jetën gjatë transportimit për në spital.
Grupi hetimor: Vrasja për larje hesapesh
Sipas infomacioneve nga grupi hetimor, dyshohet që ngjarja të ketë ndodhur për larje hesapesh. Kjo është edhe pista kryesore ku është fokusuar policia.
Besohet se të përfshirë në atentat kanë qenë katër persona. Autorët e kanë pritur viktimën përpara shtëpisë, dhe në momentin që 40 vjeçari Gramoz Memaj ka parkuar automjetin dhe ka dalë për të hyrë në banesë, një prej autorëve ka dalë nga automjeti me të cilin prisnin dhe ka qëlluar me pistoletë mbi të. Ngjarja e rëndë është fiksuar nga kamerat e një hoteli përballë banesës. Memaj nuk njihej si person problematik.
Biznesmeni jetonte më të emën
Gramoz Memaj ishte nga Tepelena, dhe njihej si biznesmen në zonën e Ksamilit. I ndjeri jetonte vetëm me të emën, dhe se nuk ishte i martuar. Shërbimet e policisë kanë ngritur pika kontrolli, dhe vijon krehja e zonës për të bërë të mundur kapjen e autorëve të cilët deri më tani nuk janë identifikuar.
