E mërkurë, 28 Korrik, 2021
22.5 C
Tirana

Ekzekutimi i Presidentit brenda rezidencës, vras*sit u rekrutuan nga 4 kompani

Presidenti i Haitit, Jovenel Moise, u ekzekutua në shtëpinë e tij në Port-au-Prince ndërsa gruaja e tij u plagos nga një grup për të cilin zyrtarët thanë se e përbënin mercenarët. Një grup i përbërë nga 26 kolumbianë dhe dy amerikanë të Haitit qëndrojnë pas vrasjes së presidentit të Haitit, Jovenel Moise.

Policia kolumbiane thotë se autorët janë rekrutuar nga katër kompani, dhe kanë udhëtuar në vendin e Karaibeve në dy grupe përmes Republikës Domenikane.

Sakaq, SHBA kanë premtuar se do të dërgojnë zyrtarë të lartë të FBI-së dhe Sigurisë Kombëtare, për të ndihmuar në hetime. Shefi i Policisë Kombëtare të Haitit, Léon Charles, tha se 17 të dyshuar janë arrestuar lidhur me vrasjen e presidentit Moïse që tronditi vendin tashmë të pllakosur nga varfëria, dhuna e përhapur dhe paqëndrueshmëria politike.

Përpos kolumbianëve, midis të arrestuarve nga policia ishin edhe dy haitiano-amerikanë, të cilët janë cilësuar si përkthyes të sulmuesve.

Pas vrasjes së Presidentit, Haiti shpalli gjendjen e shtetrrethimit, siç njoftoi Kryeministri i përkohshëm Claude Joseph gjatë një fjalimi në televizionin shtetëror, të mërkurën në mëngjes. Kryeministri Joseph tha se ai po drejton vendin, dhe në të po zbatohet ligji ushtarak, ndërsa kufijtë e Haitit dhe aeroporti kryesor i tij janë mbyllur. Presidenti amerikan Joe Biden e dënoi vrasjen dhe shprehu ngushëllimet në një deklaratë të lëshuar nga Shtëpia e Bardhë.

Vdekja e Moise ka zhytur kombin e varfër në trazira. Jovenel Moise kishte qeverisur vendin përmes një dekreti, pasi administrata e tij dështoi të mbajë zgjedhjet e përgjithshme në tetor të 2019. Vendi nuk ka një parlament të zgjedhur. Zgjedhjet e reja presidenciale dhe parlamentare janë planifikuar për në 26 shtator.

- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...