Lidhur me ekzekutimin mbrëmjen e djeshme të të riut Jurgen Kurti, mësohet se janë shoqëruar në Policinë e Durrësit rreth 11 persona. Personat në fjalë janë kryesisht familjarë dhe të afërm të të ndjerit Agim Arapi.
Burime nga drejtoria e Durrësit bëjnë me dije se nuk janë ende të dyshuar, thjesht të shoqëruar për t’u pyetur.
26-vjeçari Jurgen Kurti u qëllua për vdekje rreth orës 22:00, te sheshi ‘Wilson’, pranë stadiumit ‘Selman Stërmasi’.
Autorët e kanë qëlluar me armë zjarri nga një makinë në ecje, ndërsa i riu po lëvizte në këmbë në këtë zonë, dhe më pas janë larguar, duke përfituar edhe nga errësira.
