Para disa ditësh u ekzekutua Hekuran Billa ndërkohë së fundmi Policia e Tiranës ka arrestuar një person.
Ky i fundit dyshohet se është bashkëpunëtor në vrasjen e Billës.
Bëhet me dije se identifikimi është kryer përmes kamerave të sigurisë.
Raportohet se personi i shoqëruar në komisariat ka lidhje familjare me Prel Markun, i cili u vra nga Billa në Angli.
Dyshohet se bashkëpunëtori në vrasje e ka ndjekur viktimën dhe ka lajmëruar atentatorët për lëvizjen.
Kujtojmë se Billa u qëllua në zonën e Komunës së Parisit teksa ishte duke udhëtuar me makinën e tij.
Thuhet se kjo ngjarje ka lidhje me të kaluarën e Billës, duke qenë se ai ishte një person me precedent penal, i dënuar në Angli për vrasje.
Sipas të dhënave, më 14 Tetor 2006, Billa në atë kohë 28 vjeç, ka ekzekutuar në Angli Prel Markun 22 vjeç, në një klub në Park Royal.
Ai ka përfituar ulje dënimi dhe më pas është liruar me kusht nga Gjykata e Krujës.
