Një ekzekutim i dyfishtë ndodhi paraditen e sotme në dalje të fshatit Panaja, në aksin rrugor Fier-Vlorë. Paraprakisht dyshohet se pista kryesore që po hetohet, është prishja për pazare droge mes dy grupeve.
Dyshohet se në krim kanë marrë pjesë tre persona, një në rolin e shoferit dhe dy të tjerë kanë qëlluar me armë. Si pasojë e breshërisë, dy personat mbetën të vrarë, ndërsa mjeti ka përfunduar në një kanal anës rrugës.
Në fshatin Çerven, në aksin rrugor Levan-Tepelenë është gjetur duke u djegur një automjet i braktisur tip “BMW”, pa targa, i cili paraprakisht dyshohet se mund të jetë i autorit/ve të ngjarjes.
