Gazetarja e njohur investigative, Klodiana Lala ka dhënë detaje të reja në lidhje me ekzekutimin e Delon Troqes në Vlorë, ngjarje e ndodhur mbrëmjen e 21 majit.
E ftuar në rubrikën ”Opinion” në ”News 24’’, Lala u shpreh se viktima kishte disa ditë që ishte kthyer nga Spanja, dhe mendohet se ai mund të kishte përplasje në shtetin iberik, që lidhet me trafikun e drogërave të forta. Sipas Lalës, urdhri për ekzekutimin e Troqes mund të ketë ardhur nga ky shtet.
Lala tha se në trupin e Troqes janë qëlluar shtatë plumba dhe kanë pasur informacion të detajuar për të gjitha lëvizjet e tij.
Klodiana Lala: “Vlora po tronditet nga ngjarje kriminale dhe situata nuk është e mirë, në kohën kur nis edhe sezoni turistik. Vlora duhet të patrullohet më shumë. Në Vlorë ka vetëm fushata, prokurorët duhet të punojnë më shumë. Ka një blindim në orët e para pas ngjarjes, por se pastaj gjithçka kthehet në normalitet. Në lidhje me vrasjen e Delon Troqes, ai kishte pak ditë që ishte kthyer nga Spanja. Mendohet se mund të kishte përplasje në Spanjë, mund të lidhet me trafikun e drogërave të forta. Urdhri për ekzekutimin e tij mund të ketë ardhur nga Spanja. Hetuesit kanë marrë informacione. Troqe bënte vetëm shërbim për turistët dhe nuk kishte rekord kriminal të rëndë në vend. Hetuesit mendojnë se vrasësi/it mund të njohin mirë zonën.
Troqe kishte të zhdukur edhe një kushëri, por nuk flitet deri tani për lidhje me vrasjeve. Të gjitha rrugë po i çojnë drejt Spanjës. Bledar Birçaj u vra në mënyrë mafioze gjithashtu. Vrasja e Birçes dhe Troqes ngjajnë me njëra-tjetrën. Në trupin e Troqes janë qëlluar shtatë plumba. Vrasësit kanë pasur informacion të detajuar për të gjitha lëvizjet e Troqes. Troqe ka qëndruar tek servisi i vëllait, para se të ekzekutohej. Hetuesit kanë shpresë tek ndonjë dëshmi nga Spanja dhe janë sekuestruar kamerat e bashkisë dhe nga vendngjarja. Fieri dhe Vlora janë zona, ku trafiku i drogës vazhdon të jetë problem. Policia duhet të ketë kontrolle për lëvizjet, për makinat luksoze në rrugë. Duhet kujdes, sepse në rast se nuk ka masa, mund të kemi viktima, që nuk i dua. Zona bregdetare duhet të monitorohet me fokus të veçantë”.
