Zbardhen detaje të tjera në lidhje me armën të tipit ‘snajper’ që u përdor për të vrarë biznesmenin Kastriot Reçi në Rrëshen.
Bëhet me dije se arma është vjedhur në shtëpinë një shtetasi kosovar nga Rahoveci. Lajmi është konfirmuar nga Policia e Kosovës, e cila ka konfirmuar se arma është konstatuar e vjedhur disa ditë para ekzekutimit të biznesmenit.
Shtetasi nga Kosova ishte i pajisur me lejen përkatëse për përdorimin e saj si një armë gjahu. Ndërkohë edhe kompania italiane që ka prodhuar këtë armë, e reklamon atë si një armë të sofistikuar gjahu.
Snajperi mund të qëllojë në një largësi deri në 200 metra dhe mund të çmontohet deri në 3 pjesë.
