Floresha Zhidru, ish-bashkëshortja e 71-vjeçarit Lefter Zhidru, i cili u ekzekutua ditën e djeshme nga forcat RENEA, ka hedhur akuza ndaj shtetit dhe mediave për ngjarjen e ndodhur.
Para dyerve të banesës së saj ajo ka shpërthyer me akuza ndaj policisë dhe mediave, duke u kërkuar këtyre të fundit që të largojnë kamerat nga shtëpia e saj.
”Mos t’iu shikoj këtu me kamer, pse nuk erdhët kur ishte për të ardhur por erdhët sot. Ik kërkoja shtetit drejtësinë. Do jepni llogari për atë që keni shpifur, do jepni llogari për atë që keni shkruar në media, do jepni llogari”, tha ajo e indinjuar.
Lefter Zhidru u ekzekutua dje në Elbasan pas 5 orësh rezistencë, dhe mos bindjes ndaj urdhrit të policisë për t’u dorëzuar.
Gjithcka nisi prej orës 13:20 minuta kur policia dhe forcat speciale rrethuan lagjen “11 Nentori” ne Elbasan për të neutralizuar 71-vjeçarin e armatosur me kallashnikov i cili qëlloi drejt policisë duke plagosur dy të rinj kalimtarë. Ish-bashkëshortja e tij kishte telefonuar policinë për të kërkuar ndihmë pasi ishte i armatosur.
Forcat RENEA ekzekutuan 71 vjeçarin në banesën e ish bashkëshortes së tij në Elbasan. Nga kontrolli i shtepisë, policia gjeti një kallashnikov, municione dhe disa kallepe me lëndë plasëse gati për shpërthim.
Historia që për 5 orë mbajti nën terror qytetin e Elbasanit, nisi per shkak të një konflikti në familje mes Zhudrit dhe ish-bashkëshortes së tij në kohën kur në shtëpi ishte dhe vajza e mitur.
