Ish-efektivi i Policisë së Shkodrës, Berhan Bërçama, 30-vjeç, dhe bashkëjetuesja Silvana Ndoci, 24-vjeç, u gjetën pa jetë në pragun e shtëpisë, në qytetin e Shkodrës.
Në sajë të ekspertizës paraprake, blutë e Shkodrës besojnë se është qëlluar me armë tip automatike nga dritarja e makinës, ku ishte ulur ish-efektivi i policisë. Ata janë qëlluar me breshërinë e 22 plumbave.
https://tiranatoday.com/atentati-mafioz-ne-shkoder-cifti-ne-shenjester-te-ekzekutoreve-profesioniste-foto/
Hetuesit janë të mendimit se çifti është ndjekur gjatë, deri në çastin që është realizuar atentati në banesën ku ata jetonin me qira.
Bëhet e ditur se 30-vjeçari nuk ka kryer asnjë kallëzim për ndonjë kanosje, ndërkohë që të dhënat paraprake tregojnë se ish-polici ka qenë së fundmi në Francë, prej nga ku është kthyer.
Pak orë më parë, gjatë kontrolleve në qytet, në zonën e “by pass”-it, policia ka gjetur të djegur një makinë tip Benz.
https://tiranatoday.com/gjendet-nje-makine-e-djegur-ne-dalje-te-shkodres-dyshohet-per-vrasjen-e-dyfishte/
Policia e Shkodrës ka dyshime të forta se ky automjet është përdorur nga autorët, për t’u larguar nga vendi i krimit dhe më pas ata i kanë vënë flakën për të zhdukur çdo gjurmë.
Brenda në automjetin e djegur është gjetur edhe një armë automatike, që është përdorur për krimin e dyfishtë.
https://tiranatoday.com/burre-e-grua-ekzekutohen-ne-sy-te-femijes-nga-vrases-profesioniste-dyshohet-per-dy-autore/
Prokuroria nuk ka ende një pistë të qartë, edhe pse dyshimet nisin që nga problemet e para dy viteve të viktimës, deri te detyra e tij si ish-polic.
Deklarata e policisë
“Më datë 15.07.2018, rreth orës 10:30 jemi njoftuar se në lagjen Dobraç, në dalje të By pass-it është gjetur një automjet i djegur. Menjëherë kanë shkuar forcat policore dhe grupi hetimor dhe po punojnë për sqarimin e rrethanave të ngjarjes.
Paraprakisht dyshohet se mjeti të jetë përdorur nga autorët e ngjarjes së ndodhur sot në orët e para të mëngjesit, ku ka mbetur i vrarë shtetasi B. B. 30-vjeç dhe bashkëjetuesja e tij, shtetësja S. N., rreth 25-vjeçe, pasi në mjet është gjetur dhe një armë zjarri automatike”.
