Një vrasje e tipit mafioz sapo ka ndodhur në kryeqytet në rrugën “Kongresi i Manastirit”, pranë Pediatrisë në QSUT.
Autorët të hipur mbi motor dhe me skafandra kanë qëlluar me pesë plumba shtetasin Devi Kasmi, 41 vjeç, i cili ka humbur jetën në vend.
Ndërkohë që bëhet e ditur paraprakisht se autorët janë larguar në drejtim të zonës së Freskut.
Ngjarja ka ndodhur 50 metra larg pediatrisë në një rrugicë të ngushtë dhe të errët. Ndërkohë, e gjithë ngjarja është parë nga dy infermiere të Pediatrisë të cilat kanë qenë duke kaluar në rrugën ku ndodhi atentati. Policia ka shoqëruar tre persona për t’i marrë në pyetje.
Ngjarja ka ndodhur rreth 100 metra larg godinës së Shërbimit Informativ Shtetëror. Autorët mbeten ende në arrati, ndërkohë që policia ka ngritur postblloqe në akset hyrëse dhe dalëse të Tiranës.
