Nënkryetari i LSI-së, Luan Rama i ka bërë thirre ministres së Etilda Gjonaj të mos bëjë të paditurën por të rishokojë vendimin për ekstradimin e Naser Seitit. Me anë të një postimi në rrjetin social “Facebook”, Luan Rama thotë së se ekstradimi i Seitajt është kryer në kundërshtim me ligjin procedural penal që është në fuqi nē Republikën e Shqipërisë!
Më herët ministrja Gjonaj deklaroi se nuk ka shkelur asnjë ligj me ekstradimin e Seitit duke thënë se ka zbatuar te gjitha konventat ndërkombëtare(lajmin e plotë lexoje këtu).
Postimi i plotë i Luan Ramës
Ekstradimi që ju keni nënshkruar zonja ministre e drejtësisë, është një akt në shkelje të ligjit!
Edhe një herë po e theksoj se ekstradimi i Nezar Seitajt është kryer në kundërshtim me ligjin procedurial penal që është në fuqi nē Republikën e Shqipërisë!
Sepse ndaj tij kishte një çështje penale të nisur nga Prokuroria e Krimeve të Rënda dhe ai ishte duke u hetuar në gjendje arresti në burg për trafikim të lëndëve narkotike në bashkëpunim, si prestarë i një grupi të strukturuar kriminal! Madje, për organin e akuzës, pra për Prokurorinë ai ishte i vetmi i arrestuar!
Në këto kushte ligji nuk e lejon ekstradimin e tij!
Ju zonja Ministre e Drejtësisë mund të mos e dinit këtë fakt, por ligji ju detyron ta verifikonit. Dhe nëse do ta kishit verifikuar konform detyrimit ligjor, do ta kishit mësuar se nuk duhej ekstraduar!
Pra, ekstradimi që ju keni nënshkruar zonja ministre, është një akt në shkelje të ligjit! Asnjë alibi, qoftë edhe duke bërë të paditurën, nuk jua lehtëson pozitën përballë ligjit as ju dhe as Prokurores së Përgjithshme!
