Ministrja serbe e Drejtësisë ka folur për ekstradimin e Ismail Morinës në shtetin serb.
Teksa ka folur për mediat serbe, Nela Kuburovic ka siguruar se në Serbi do të zhvillohet një proces i drejtë gjyqësor për Ballistin.
“Sa i përket këtij rasti, duhet pritur vendimi i ministrit të Drejtësisë së Kroacisë, por besoj se kolegu do të sillet në pajtim me vendimet e plotfuqishme dhe se Morina do të ekstradohet në Serbi, në mënyrë që të mund të kryhet procedura penale, e cila ka nisur para Gjykatës së lartë në Beograd”, tha Kuburovic për ‘Tanjug’.
Ndërkohë, sot bashkëshortja e Ismail Morinës tha se do vijojnë kërkesën për azil, ndërsa shtoi se kërkon mbështetjen e qeverisë shqiptare për mosekstradimin e të shoqit në Serbi.
