Arian Dyrmishi, ekspert i çështjeve të sigurisë, është kundërpërgjigjur sot në distancë zërave për gazin e përdorur dje në protestë. I ftuar në studion e A2, Arian Dyrmishi justifikon përdorimin e gazit lotsjellës nga momenti që ambienti i ngushtë e bën të “vështirë të kontrollosh turmën në distancë aq të afërt, prandaj përdorimi i gazit lotsjellës u justifikua”.
Për polemikën mbi gazin lotsjellës, dhe prejardhjen serbe të tyre, Dyrmishi saktëson që lënda e përdorur i ka parametrat e njohura nga konventat ndërkombëtare, dhe që prejardhja nuk ka një domethënie sepse “Serbia ka një industri të zhvilluar dhe të njohur”.
Më tej eksperti tha se edhe forcat e rendit duhet “të tregojnë paraprakisht mjetet që përdor, në mënyrë që protestuesit t’ i kenë të qarta, sepse luan në këtë pikë edhe efekti psikologjik”.
